احساس غريب بالنسبالنا لما نحس بالعزله والدمعه ماليه خدودنا.
ومحدش بيسأل علينا ف غيابنا مع الرغم كان ف حب وعشره بتجمعنا
وأخيرا إكتشفنا اننا ف قلوبهم مالناش لازمه مجرد وقت وانتهى بالنسبالنا.
وهو دا مجتمعنا نعرف ناس ولما تنتهي العشره ماحدش بينفعنا.
تبتدي تنزل دموعنا ونحس اننا انخداعنا مع ناس اسمهم كانوا ف يوم أصحابنا
واخواتنا وأحبابنا وفجأه تنتهي بخصامنا وبعدنا عن بعض وفراقنا.
هل العيب فينا ولا ف ناس ماتعرفش معنى العشره من وجهة نظرنا.
دا احنا ياما لعبنا وضحكنا وكانت الفرحه ماليه قلوبنا وفجأه تنتهي بإنفصالنا
دا ربنا ف كتابه كرمنا ووضع ميزان العدل عشان يجمعنا مش يفرقنا
ونكون ايد واحده ونزيل الشيطان من طريقنا ونخلي الحب والخير دايما ف قلوبنا.
لكن مهما عبرنا وقولنا وكتبنا ف أشعارنا الكره هايفضل موجوده لنهاية مشوارنا.
وهي دي طبيعتنا من يوم ما ربنا خلقنا مع الرغم عارفين ان هايجي يوم ربنا فيه هايجمعنا
ونتحاسب ع ظلمنا لبعض وخصامنا وكله بسبب القرش اللي فرق مابينا
والطمع اللي معشش بين أحضانا ومش عاملين حساب للجنه ولا الموت اللي ف انتظارنا.
ولا حتى للعمر اللي بيجري زي السمك ف قلب الميه وبرضوا زي ما احنا
نفضل حاسين بالعزله ولا كلمة حب تهدي من أعصابنا وترجع الفرحه ف عيونا.
نفضل عايشين ف الدنيا الجرح مأذرنا والدمعه دايما ع بالنا وفقدنا الثقه حتى ف اللي عشرونا وخدوا مكانا.
لكن مسير الحق يظهر مع مرور أيامنا ونشوف مين فينا الظالم ومين اللي ظلمنا.
شاعرالعصر صاحب كلمه لها مضمون ومعنى يفيدنا وينفعنا بقصيده جميله تنال اعجابنا
وتحسن دايما من أخلاقنا وتذكرنا باللي خلقنا وداوي همومنا وأوجعنا.....
الشاعر طاهر مختار عتيت
شاعر العصر....تحيا مصر
كفرالزيات....اكوه الحصه